استقبلى العام الجديد مع بشره نضره وجذابه

اهلا بكل البنات النهارده هنقدم لكم ماسكات بالزيوت الطبيعيه علشان تستقبلى السنه الجديده ببشره نضره وناعمه ومسترخيه ورقيقه وتكونى اكثر جاذبيه بس ياريت تنفيذ الخطوات بالضبط علشان النتيجه تكون مضمونه باءذن الله 

اولا:-

ماسك التمر هندي لنعومة وتفتيح الجسم

ليمونة

3 ملعقة كبيرة ملح

ملعقة كبيرة عسل

2 ملعقة كبيرة زيت لوز مر

ملعقة صغيرة زيت الورد

ملعقة كبيرة ماء

4 ملعقة كبيرة تمر هندي (عجينة بدون نوى)

الطريقة:-

 اعجني التمر هندي مع الملح، واخلطيهم ببعض كويس أوي، لحد ما يندمجوا، وتبقى العجينة لزجة وناعمة.
- ضيفي زيت اللوز، وزيت الورد والعسل، واخلطيهم مع العجينة، لحد ما المزيج يبقى لين ومختلط ببعضه كويس، وسيبيها في علبة لمدة يومين أو تلاتة علشان تتعتق، ولما تيجي تستخدميها ضيفي عليها عصير الليمون وملعقة مية سخنة، وافرديها على جسمك بعد ما تستحمي لمدة تلت ساعة أو نص ساعة بالكتير، وبعد كده اشطفي جسمك بمية فاترة، واعمليها لمدة مرتين أو تلاتة في الأسبوع، وهتلاحظي أنه بيعمل فرق كبيرة في نضارة ونعومة بشرة الجسم.
- ممكن تحتفظي بيها في التلاجة لمدة شهرين أو أكتر، وتطلعي منها كل ما تحتاجي وتستخدميه.

ماسك اللبن وزيت اللوز لتفتيح المناطق الغامقة

المقادير:

3 ملعقة كبيرة زيت لوز مر

3 ملعقة كبيرة زيت زيتون

3 ملعقة كبيرة لبن بودرة

ملعقة كبيرة زيت الورد

2 ملعقة سبرتو أبيض

 ملعقة كبيرة عسل

الطريقة:-

 اخلطي المكونات كلها مع بعضها في زجاجة، ورجيها كويس أوي، لحد ما تندمج مع بعضها وتدوب تماما، واحتفظي بالزجاجة في التلاجة.
- املي البانيو مية، وحطي ملعقتين من المزيج فيها، ومعاها بيضة كاملة، واسترخي فيها لمدة نص ساعة، وبعد كده اشطفي جسمك، الطريقة دي هتساعدك على الاسترخاء وتملاكي طاقة إيجابية وتغذي بشرتك وتنعشها.
- في طريقة تانية لاستخدام الماسك ده، وهو إنك تخلطي بيضة، مع ملعقتين من الخلطة اللي عملناها، وندهن جسمنا بيه بفرشاة الصبغة بعد الاستحمام، ونسيبه لمدة نص ساعة وبعدها نشطفه، وهتلاحظي إن الماسك ده بيفتح المناطق الغامقة، وبيشيل البقع الغامقة في الجسم، وبيخلي البشرة نضرة وشابة. 

حمام زيت للبشرة شديدة الجفاف

المقادير:

3 ملعقة كبيرة سبرتو أبيض

3 ملعقة كبيرة زيت خروع

ملعقة كبيرة زيت ياسمين

الطريقة:-

 اخلطي المقادير كلها على بعضها في زجاجة صغيرة، ورجيها كويس، وبعدها استخدميها بفرشاة صبغة، وافرديها على جسمك، وسيبيها لمدة نص ساعة كماسك مرطب، وبعدها اشطفي جسمك بالمية الفاترة، والماسك ده نتيجته فعالة جدا للبشرة اللي بتعاني من الجفاف الشديد
ماسك بذر القطون لنضارة وتفتيح الوجهالمقادير:ملعقة كبيرة بذر قطون مجروش2 ملعقة كبيرة زيت اللوز المرملعقة ماء
الطريقة:- اخلطي المقادير مع بعضها، وقلبيها كويس لحد ما تمتزج أوي، وبعد كده احتفظي بيها في برطمان صغير.
- ممكن تستخدميه بإنك تاخدي معيار صغير منه وتضيفي له ملعقة ماء، وتدوبيه فيه، وتسيبيه ليلة، وبعد كده تستخدميه في عمل مساج لبشرة الوش، وسيبيه على البشرة لمدة ساعة ونص لحد 3 ساعات، وهو ماسك مهم لإزالة آثار الحبوب، ومهم تستخدميه يوميا، لمدة 3 شهور.
- وممكن تستخدميه بدون إضافة زيت اللوز بنفس الطريقة اللي فاتت، بخلطه بالمية بس، وتستخدميه كمساج حول العيون لإزالة انتفاخات العين والهالات السوداء، والتجاعيد، وسيبيه لمدة ساعة ونص واشطفي جسمك بعدها بالمية الفاترة ومية الورد.
اتمنى تكون هذه الماسكات تفى بالغرض لكل انواع البشره وكل احتياجاتها